حسام عمار 
خلاص الصيف بيودعنا رسميًا وجاء الوقت اللي بنستناه كل سنة عشان ناخد ساعة زيادة نوم! جاهز تظبط ساعتك؟ التوقيت الشتوي لعام 2026 قرب جداً، وخلال أيام بسيطة هنرجع نأخر العقارب لساعة ورا!
متى تبدأ أول دقيقة في التوقيت الشتوي 2026؟
رسمياً في مصر، هيبدأ تطبيق التوقيت الشتوي مع منتصف ليل يوم الخميس 29 أكتوبر 2026 (يعني مع بداية أولى لحظات يوم الجمعة 30 أكتوبر).
طريقة الضبط بكل بساطة: أول ما الساعة تجي 12:00 بالليل، رجّع عقارب ساعتك 60 دقيقة ورا.. يعني هتبقى 11:00 بالليل تاني! (ومبروك عليك ساعة نوم إضافية ).
إيه هو القانون المنظم لرجوع الساعة؟
الموضوع مش ماشي عشوائي؛ ده بيجي تطبيقاً للقانون رقم 34 لسنة 2023 اللي ينظم التوقيت الصيفي والشتوي في مصر، والنص بيحدد الآتي:
-
التوقيت الصيفي: بنقدم فيه الساعة 60 دقيقة من الجمعة الأخيرة في شهر أبريل.
-
التوقيت الشتوي: بنأخر فيه الساعة 60 دقيقة وبنرجع للتوقيت الأصلي لما ينتهي أخر خميس في شهر أكتوبر من كل سنة.
ليه بنغير التوقيت ونرجع الشتوي؟
تغيير الساعة وتطبيق التوقيت الشتوي بيساعد على استغلال ضوء النهار من بدري جداً بالنهار، وده بيهدف بشكل رئيسي لـ ترشيد استهلاك الطاقة والكهرباء، غير طبعاً النظبطة اللي بتحصل في روتين اليوم مع أجواء الشتاء اللطيفة!
متنساش: معظم الموبايلات والأجهزة الذكية بتغير الوقت لوحدها تلقائياً، بس اتأكد بنفسك يوم الخميس بالليل عشان مواعيدك ومصلحتك تاني يوم ما تتلخبطش