العالم الآن 
مين قالك تصاحب إنسان…
هيشيلك طاجن ستك وسِتّه، والقرش اللي اتقلّت قيمته.
وزنّ مراته، وقلبه وشّ حماته، وهي بتقوله: أهلاً… من تحت اللسان.
كان نفع نفسه،
ده في غاية العبط، وفي كلمة شبط .. من لسانه اتربط
أمانة اتعرضت على الأرض المصونة وهو بكل رعونة …قبلها
حتى الجبال الراسية العاقلة رفضت وقالت … مالها
صدق في نفسه،
شغّل عقله، وماكانش شغل—ياريته
” شغلانة سهلة ومش بطّالة”،
أتاريه بيشغّل وراه إبليس وعشيرته،
ده قبل منه كان يعاني من البطالة.
وبيدّعي الحكمة والمهارة والجسارة،
ولو اخترع له لمبة، يستغني و ف الضلمة يتغني بأعلي صوت ” والله أنا في الدنيا دي خسارة”
وساعات جنونه السافر يسوقه،
ويتفتن بكام كلمة كتبهم،
ويطلع دين أبو اللي قراهم و يجادله،
طب كان أولى بيه يذاكر ويعافر
في دين اللي خلقه، وقايم عليه عدله.