إبراهيم ربيع 
حد ياجماعة يطبل في ودن العرب المكسحين..النتن قال اليوم أن إسرائيل في البداية كانت تواجه دولا عربية متوافقة واستطاعت الآن تفكيكها رويدا رويدا..هو الجماعة العرب محتاجين إيه تاني يصحيهم..ليه ياأخي أدمغتهم مبلطة بالرخام والشبكة العصبية في المخ كلها رايحة للبطن والنصف السفلي ومش رايحة لمناطق الاحساس والتفكير والخجل..ليه عندهم تخمة ذهنية بحيث تحس ان منافذ التفكير عندهم مسدودة ويادوب بتنقط..يحصل ايه تاني يصحيهم من النوم وشخيرهم واصل لكل القارات رغم إن زعيم العصابة نفسه النتن مش مكترث إنه بيقول الكلام ده في عينهم وهو عارف انهم مش هيصحوا أبدا ولو صحبوا هيقولوا كمان..ياأخي ياعربي الدول مش شركات ولا مصانع ولا مقاولين أبنية..لاتديروا دولكم بذهنية صاحب شركة عايز يعمل مشاريع ويكسب فلوس بس وخلاص علي كدة..الدول مفهومها غير كدة ..مفهومها فوق الفلوس..هتعمل ايه بالفلوس وكل أللي رايح وجاي بيضربك بالشلوت ..هتعمل إيه بالفلوس وكل شوية خواجة ييجي يثبتك ويقلبك ..هتعمل ايه بالفلوس لما بلدك تدار بالريموت من أقصي الأرض..هتعمل إيه بالفلوس لما واحد زي النتن يقولك في وشك انا بفككك وانت تبصله وانت فاتح بؤك ومش عارف حتي تقوله متشتمش ولا حتي تقوله هقول لأمي زي العيال الصغيرة ..يخرب بيت الانبطاح وسنينه وفضايحه..